Ամերիկյան 3 խոշոր ավտոարտադրողներ կտուժեն Թրամփի մաքսատուրքերից

Ամերիկյան երեք խոշոր ավտոարտադրողներ կտուժեն ԱՄՆ նախագահ Դոնալդ Թրամփի կողմից Մեքսիկայից և Կանադայից ներմուծման 25% մաքսատուրքերից, հայտնում է РИА Новости-ն՝ վկայակոչելով Ռոսկոնգրեսի «Գլոբալ ավտոմոբիլային շուկա. միտումներ, փոխակերպումներ և սակագնային պատերազմներ» զեկույցը։

Զեկույցում նշվում է, որ սակագներից առաջինը տուժելու են անդրազգային Stellantis-ը (որն արտադրում է Chrysler, Dodge, Jeep ավտոմեքենաները), General Motors-ը և Ford-ը։ Այս ընկերությունների համար Մեքսիկայից և Կանադայից ներկրվող ավտոմեքենաների բաժինը կազմում է երկրի վաճառքի համապատասխանաբար 40%, 30% և 25%-ը:

Թրամփը ցանկանում է մաքսատուրքեր սահմանել ներմուծվող ապրանքների վրա՝ արտադրողներին խրախուսելու տեղափոխվել ԱՄՆ և խթանել երկրի ավտոարդյունաբերությունը: Սակայն, ինչպես նշվում է զեկույցում, Մեքսիկան աշխարհում չորրորդն է ավտոմոբիլների արտահանմամբ՝ 126 միլիարդ դոլար ընդհանուր արժողությամբ առաքումներով, և կազմում է ԱՄՆ ողջ առաքումների 42%-ը: Այս կապակցությամբ փորձագետները ամերիկյան արտադրողների համար ֆինանսական վնաս են կանխատեսում մաքսատուրքերի պատճառով։