Բացահայտվել է գործակալ, որը ինֆորմացիաներ է տվել Վարդան Ղուկասյանին
«Ժողովուրդ» օրաթերթը գրում է. «Լրագրողներն ու լրատվամիջոցները 21-րդ դարում ոչ միայն պետք է տեխնոլոգիաների, արագության մրցավազքին ու մարտահրավերներին դիմակայեն, այլև ավանդական ռիսկերը կառավարեն: Այս հոդվածն այդ մասին է:
«Ժողովուրդ» օրաթերթի հետ երկար ժամանակ ինֆորմացիաների տրամադրման դաշտում համագործակցել է Տիգրան Մուրադյան անուն ազգանունով մի քաղաքացի, որը ներկայացել է որպես ՀՀ տնտեսագիտության ինստիտուտի, ինչպես նաև Պետեկամուտների կոմիտեի նախկին աշխատակից: Նրա տված ինֆորմացիաները, բնականաբար, ոչ միշտ են եղել ճշմարտություն, և դրանք չեն հրապարակվել, բայց պաշտոնական կայքերից արված էկրանանկարները եղել են պիտանի, լրագրողական ճշգրտումներից հետո հրապարակվել են:
Սակայն կարճ ժամանակ անց պարզեցինք, որ Տիգրան Մուրադյանը ինֆորմացիաներ է հավաքում և տարածում հիմնականում և հատկապես այն մարդկանց մասին, որոնց անձամբ ճանաչում է, շփվում հետները` անկախ նախասիրություններից: Մեր խմբագրության տարբեր աշխատակիցների մասին էլ է ստեր տարածել տարբեր կայքերում ու հարթակներում:
Օրինակ` նա մեզ ինֆորմացիա էր տալիս «Դոգի» մասին (որը երբեք չենք հրապարակել), բայց պարզեցինք, որ Վարդան Ղուկասյանի հիմնական ինֆորմատորը հենց ինքն է: Շատ դեպքեր են եղել, որ նույն նյութը և՛ մեզ է ուղարկել, և՛ «Դոգ»-ին, բայց «Դոգ»-ին ուղարկելիս այնպիսի մեկնաբանություններով է տվել նյութը, որ «Դոգ»-ը շաբաթը մի քանի անգամ մեր լրատվամիջոցին թիրախավորում էր, վիրավորում, զրպարտում, թե իբր իր տվյալներից ենք օգտվել: Մինչդեռ մենք ունեցել ենք միևնույն ինֆորմացիայի աղբյուրը` նայեք էկրանանկարներին:
Օրինակները, իհարկե, շատ են, որոնց կանդրադառնանք հերթով, փաստերով: Միայն հավելենք, որ երբ սկսեցինք հարցուփորձ անել Տիգրան Մուրադյանի մասին ուժային տարբեր կառույցներից, պարզվեց, որ միջին և միջինից ցածր օղակներում նրան ճանաչում էին, եւ տպավորություն ստեղծվեց, թե նա հենց ուժայինների գործակալն է` ուղարկված լրատվական-հասարակական դաշտ, որը զինված է նաև անհրաժեշտ ինֆորմացիաներով:
Այս հրապարակմամբ փորձում ենք զգուշացնել լրատվամիջոցների մեր գործընկերներին, հասարակական-քաղաքական գործիչներին, գործարարներին, նախկին ու ներկա պաշտոնյաներին. Տիգրան Մուրադյանը ում հետ շփվել է, բոլորի մասին տարբեր խողովակներով ինֆորմացիաներ է հրապարակել:
Եթե կան մարդիկ, ովքեր տուժել են Տիգրան Մուրադյանի գործողություններից, կարող են դիմել «Ժողովուրդ» օրաթերթի խմբագրություն:
Շարունակելի…»:
Մանրամասները՝ «Ժողովուրդ» օրաթերթի այսօրվա համարում:
Առաջին անգամ Հայաստանում՝ «Համերգ տոտալ մթության մեջ»
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ...
Հայկական ֆուտբոլում հասունանում է իրավական նոր սկանդալ
Մ-20 ԱԱ. Յուրիկ Պետրոսյանը՝ հունահռոմեական ոճի ըմբշամարտի աշխարհի առաջնության արծաթե մեդալակիր
Կուբարսին ճանաչվեց մրցաշարի լավագույն պաշտպան
Եթե նրանք գան, Վլադիմիր Պուտինը պատրաստ է կրկին ընդունել նրանց
Մոսկվան մերժել է Սև ծովում հարվածները փոխադարձաբար դադարեցնելու առաջարկը, որը փոխանցել է Թուրքիան
Վաղարշապատի ՏԻՄ ընտրություններում «Հաղթանակ»- ի թեկնածուներն ու համակիրները հարկադրել են քվեարկել իր...
Թբիլիսիում քանդում են Սաակաշվիլու կառավարման տարիներին կառուցված «Ռիկեի կուժերը»
Նազիկ Ամիրյանի վարձակալության իրավունքն է դադարեցվել Սևանա լճի ափամերձ հողամասի նկատմամբ