Սա իմ վերջին տարին է «Լիվերպուլ»-ում. Սալահ

«Վերջին յոթ-ութ տարիների իմ հարցազրույցներում ես միշտ ասել եմ, որ ցանկանում եմ հաղթել Չեմպիոնների լիգայում: Բայց սա առաջին անգամն է, որ ասում եմ, որ իսկապես ցանկանում եմ հաղթել Պրեմիեր լիգայում «Լիվերպուլի» հետ։

Ինչո՞ւ։ Ես գաղափար չունեմ։ Հավանաբար այն պատճառով, որ [նախորդ անգամ] մենք չտոնեցինք հաղթանակը այնպես, ինչպես ցանկանում էինք («Լիվերպուլը հաղթեց Պրեմիեր լիգան 2019/2020 մրցաշրջանում, որն անցնում էր սահմանափակումներով՝ պայմանավորված կորոնավիրուսի համավարակի պատճառով):

Եվ նաև, վերադառնալով այստեղ, հասկանում եմ, որ սա իմ վերջին տարին է ակումբում, և ես ցանկանում եմ ինչ-որ առանձնահատուկ բան անել քաղաքի համար»,- Սալահի խոսքերն է մեջբերում Sky Sports-ը։

Պրեմիեր լիգայի 18 հանդիպումից հետո «Լիվերպուլն» ունի 45 միավոր և զբաղեցնում է առաջին տեղը՝ վեց միավորով առաջ անցնելով մոտակա հետապնդող «Արսենալից»: «Կարմիրները» մեկ խաղ պակաս են անցկացրել: