Լոնդոնի «Արսենալի» գլխավոր տրանսֆերային նպատակը

Անգլիայի փոխչեմպիոն Լոնդոնի «Արսենալը» կփորձի այս ամիս ձեռք բերել Թուրինի «Յուվենտուսի» սերբ հարձակվող Դուշան Վլահովիչին, հաղորդում է TEAMtalk-ը։

24-ամյա ֆուտբոլիստի տրանսֆերային արժեքը գնահատվում է 60 միլիոն եվրո։ Նրա պայմանագիրը «Յուվենտուսի» հետ նախատեսված է մինչեւ 2026թ․ հունիս։

Այլընտրանքային տարբերակ է համարվում «Բրենթֆորդի» լավագույն ռմբարկու, 25-ամյա կամերունցի հարձակվող Բրայան Մբեմոն, որի տրանսֆերային արժեքը գնահատվում է 50 միլիոն եվրո։

«Արսենալը» հետաքրքրված է նաեւ Դորտմունդի «Բորուսիայի» 20-ամյա անգլիացի վինգեր Ջեյմի Բայնո-Գիտենսի եւ Մյունխենի «Բավարիայի» 28-ամյա գերմանացի վինգեր Լերոյ Զանեի ծառայություններով։