Ժոզե Մոուրինյոն՝ Պոգբայի ու Իբրահիմովիչի վերադարձի մասին
«Մանչեսթեր Յունայթեդի» գլխավոր մարզիչ Ժոզե Մոուրինյոն մեկնաբանել «Նյուքասլի» նկատմամբ 4:1 հաշվով հաղթանակն անգլիական Պրեմյեր լիգայի 12-րդ տուրի խաղում՝ խոսելով նաեւ վնասվածքից հետո խաղադաշտ վերադարձած Պոլ Պոգբայի եւ Զլատան Իբրահիմովիչի մասին:
«Գոհ եմ մեր խաղից ու վնասվածք ստացած խաղացողների վերադարձից: Ուրախ եմ հատկապես Զլատան Իբրահիմովիչի համար, քանի որ նա հաղթահարեց ծանր վնասվածքը: Նրան խաղադաշտում տեսնելն անչափ հաճելի է:
Պոլ Պոգբան այլ կարգի ֆուտբոլիստ է: Նա ու Նեյմանյա Մատիչը դարձան թիմի շարժիչը: Մինչեւ հոգնելը Պոգբան իր հետեւից տանում էր խաղն ու ամեն բան վերահսկում»,- BT Sport-ի եթերում ասել է Մոուրինյոն:
Հիշեցնենք, որ Հայաստանի հավաքականի կիսապաշտպան Հենրիխ Մխիթարյանը չէր հայտավորվել «Մանչեսթեր Յունայթեդի» կազմում: Մոուրինյոն նշել էր, որ նման որոշում է կայացրել մարտավարական պատճառներով:
Մանչեսթերում կայացած խաղում գոլի ու գոլային փոխանցման հեղինակ էր դարձել ֆրանսիացի կիսապաշտպան Պոլ Պոգբան, որը «Մանչեսթեր Յունայթեդի» նախորդ 12 խաղերը բաց թողնելուց հետո հանդես եկավ մեկնարկային կազմում:
77-րդ րոպեին փոխարինման էր դուրս եկել նաեւ շվեդ հարձակվող Զլատան Իբրահիմովիչը, որը ծնկի ծանր վնասվածքից հետո առաջին անգամ էր ընդգրկվել «Մանչեսթեր Յունայթեդի» հայտացուցակում: 36-ամյա Իբրահիմովիչը խաղադաշտից բացակայում էր ապրիլից, երբ ստացել էր ծնկի խաչաձեւ կապանների պատռվածք:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
ԱՄՆ-ի գործողությունները Հորմուզի նեղուցում փակուղի են. Արաղչի
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Հայաստանը ծայրագավառ չի լինելու, և Բելառուսի կառավարման օրինակը իմ երկրի համար անընդունելի է. Ալեն Ս...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...