Բելառուսի ֆուտբոլի ֆեդերացիայի ռեպորտաժը՝ Երեւանի եւ Հայաստանի հավաքականի հետ խաղի մասին

Բելառուսի ֆուտբոլի ֆեդերացիան Երեւանում ռեպորտաժ է պատրաստել Հայաստանի ազգային հավաքականի դեմ ընկերական խաղի մասին:

22 ֆուտբոլիստներով Երեւան ժամանած Բելառուսի հավաքականը նախօրեին մարզում է անցկացրել Ավանի ֆուտբոլային ակադեմիայում: Ռեպորտաժի հեղինակը զրուցել է նաեւ բելառուսական «Տորպեդո ԲելԱԶ»-ի եւ Հայաստանի հավաքականի կիսապաշտպան Կամո Հովհաննիսյանի հետ:

Հիշեցնենք, որ Հայաստանի եւ Բելառուսի հավաքականների միջեւ խաղը կկայանա նոյեմբերի 9-ին Երեւանի «Հանրապետական» ստադիոնում եւ կսկսվի ժամը 18:00-ին: Նոյեմբերի 13-ին Արթուր Պետրոսյանի գլխավորած թիմը նույն վայրում կմրցի նաեւ Կիպրոսի հավաքականի հետ:

Բելառուսի հավաքականի կազմը.

Դարպասապահներ. Ալեքսանդր Կուտոր («Չեռնոմորեց», Ուկրաինա), Սերգեյ Իգնատովիչ («Դինամո-Մինսկ»), Պավել Պավլյուչենկո («Դինամո-Բրեստ»):

Պաշտպաններ. Սերգեյ Պոլիտեւիչ («Գենչլերբիրլիգի», Թուրքիա), Մաքսիմ Վոլոդկո, Ալեքսեյ Ռիոս (երկուսն էլ՝ ԲԱՏԷ), Սերգեյ Մատվեյչիկ, Իգոր Բուտկո (երկուսն էլ՝ «Շախտյորի», Սոլիգորսկ), Ալեքսանդր Պավլովեց («Տորպեդո ԲելԱԶ»), Ալեքսեյ Գավրիլովիչ («Դինամո-Բրեստ»), Նիկիտա Նաումով («Վիտեբսկ»):

Կիսապաշտպաններ. Իգոր Ստասեւիչ (ԲԱՏԷ), Պավել Նեխայչիկ, Պավել Սեդկո (երկուսն էլ՝ «Դինամո-Բրեստ»), Օլեգ Եվդոկիմով («Մինսկ»), Նիկիտա Կորզուն («Դինամո Կիեւ», Ուկրաինա), Արտյոմ Բիբկով («Դինամո-Մինսկ»), Ալեքսանդր Կարնիցկի («Տոսնո», Ռուսաստան), Յուրի Կովալեւ («Շախտյորի», Սոլիգորսկ), Վլադիսլավ Կլիմովիչ («Նեման»):