Երբ տկարանում են այս սյուները, երբ գոյություն չունեն, կյանքը խառնվում է իրար. Բագրատ Սրբազան

Հատված Հայ Առաքելական Եկեղեցու Տավուշի թեմի առաջնորդ Բագրատ արքեպիսկոպոս Գալստանյանի քարոզից․

«․․․ Տերն ասում է․ «Պահպանեցե՛ք իրավունքը (կամ ճշմարտությունը) և կատարեցե՛ք արդարությունը»։ Ճշմարտությունը և իրավունքը պահեք և արդարությունը կատարեք։ Մարդու կյանքի ամբողջ պատմությունը, ամբողջ ժամանակահատվածը՝ մեր ծննդյան օրից մինչև մեր մեկնումի օրը, ճշմարտության և արդարության մասին է, այդ պայքարի մասին է։

Հասարակությունը կփլուզվի և փլուզվում է, երբ այս երկու կարևոր սյուները չկան՝ ճշմարտությունը, որը կոչվում է նաև իրավունք և արդարությունը։

Երբ տկարանում են այս սյուները, երբ գոյություն չունեն, կյանքը խառնվում է իրար։

Եվ մեր Տերն ասում է․ «Եթե այս երկուսը պահեք, ձեզ կլինի և՛ բարիք, և՛ ողորմածություն, և եթե ոչ, ո՛չ ողորմածությունը կլինի և ո՛չ էլ բարիքը»։

Մեր այսօրվա կյանքի պատկերը ՝ ճշմարտությունից զրկված և արդարությունից տկարացած, հենց դրա մասին է։

Բացակայում է՝ գաղափարական իմաստով, այդ մեծ՝ արդարության ձգտումը, ճշմարտության ձգտումը․․․»։