Ֆրանսիայի դեսպան. Ղարաբաղյան հակամարտության լուծումը միջնորդների ձեռքում չէ
ԵԱՀԿ Մինսկի խմբի համանախագահները ջանք չեն խնայում՝ երկխոսության վերականգնման համար պայմաններ ստեղծելու նպատակով: Այս մասին փետրվարի 14-ին կայացած ասուլիսում հայտարարեց Հայաստանում Ֆրանսիայի արտակարգ եւ լիազոր դեսպան Ժան-Ֆրանսուա Շարպանտյեն:
Ֆրանսիացի դիվանագետի խոսքով՝ միջնորդները վստահ են. հակամարտության խաղաղ կարգավորումն այլընտրանք չունի: Այս կապակցությամբ դեսպանը նշել է, որ զոհեր են եղել ոչ միայն ապրիլյան պատերազմի ժամանակ, եւ այս իրավիճակը չի կարող բավարար համարվել:
Ըստ դեսպանի՝ ավելի վաղ միջադեպերի հետաքննության մեխանիզմների ներդրման մասին ձեռք բերված համաձայնությունները պարտադիր պետք է իրականացվեն: «Բայց այս համատեքստում կարեւոր է հասկանալ, որ լուծումը միջնորդների ձեռքում չէ: Այն պայմանավորված է կողմերի քաղաքական կամքով»,- հայտարարեց դեսպանը՝ հավելելով, որ Ֆրանսիան պատրաստ է ընդունել հանդիպման մասնակիցներին, ինչպես ավելի վաղ հայտարարել է նախագահ Ֆրանսուա Օլանդը:
«Ամեն դեպքում՝ ես պնդում եմ, որ հակամարտության լուծումը պետք է գտնել բանակցությունների ճանապարհով: 20-րդ դարում հակամարտությունների օրինակներ կան, որոնք լուծվել են խաղաղ բանակցություններով»,- նշեց դեսպանը:
Պատասխանելով հարցին, որ միջնորդները հավասարության նշան են դնում միջնորդների միջեւ, դեսպանը նշեց. «Վերընթերցեք Մինսկի խմբի մեկ-մեկուկես տարվա հայտարարությունները: Հստակ ուղերձներ կտեսնեք»:
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Երթևեկության կազմակերպման փոփոխություն՝ Վարդանանց փողոցում
ՀՀ անկախության տոնին նվիրված համերգը՝ Հանրապետության հրապարակում (տեսանյութ)
Շարունակում ենք ստուգայցերը ՊՆ զորամասեր (տեսանյութ)
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Սպիտակ տունը գործարկել է Trump TV-ն
ԵՄ-ն առայժմ համաձայնության չի հասել ռուս միլիարդատերերի նկատմամբ պատժամիջոցները հանելու հարցում
Բարսելոնան մտադիր չէ բաժանվել իր սանից