Ներկայացուցիչների պալատի հանրապետականները հետաքննություն են սկսել նախագահ Ջո Բայդենի եւ նրա ընտանիքի նկատմամբ
Ներկայացուցիչների պալատի հանրապետականները սկսել են վաղուց խոստացված հետաքննությունը նախագահ Ջո Բայդենի եւ նրա ընտանիքի նկատմամբ:
«Այժմ, երբ դեմոկրատներն այլեւս չունեն միակուսակցական իշխանություն Վաշինգտոնում, գալիս է վերահսկողության եւ հաշվետվողականության ժամանակաշրջան»,-ասվում է Ներկայացուցիչների պալատի վերահսկիչ հանձնաժողովի նախագահ Ջեյմս Կոմերի հայտարարության մեջ:
Հանրապետականների գլխավորած հանձնաժողովը մի շարք նամակներ է ուղարկել ֆինանսների նախարարություն՝ խնդրելով տեղեկություն Բայդենների ընտանիքի անդամների ֆինանսական գործարքների մասին, որոնք նշվել են որպես կասկածելի գործունեություն:
Օրենսդիրները նաեւ ցուցմունք են խնդրել Twitter-ի մի քանի նախկին ղեկավարներից, որոնք մասնակցել են ընկերության կողմից 2020 թվականի հոկտեմբերին New York Post-ի հոդվածի մշակմանը՝ նախագահի կրտսեր որդու՝ Հանթեր Բայդենի մասին: Հանրապետականներն ասում են, որ այս պատմությունը լռեցվել է քաղաքական պատճառներով:
Կոմերը եւ մյուս հանրապետականները նախանշում են իրենց հետաքննության ծրագիրը նոյեմբերյան միջանկյալ ընտրություններում աննշան մեծամասնություն ստանալուց մեկ օր անց: