Ֆրանսիայի ֆինանսների նախարարը կշտամբել է էներգիայի մատակարարներին, որ նրանք բավարար չափով չեն օգնում երկրի հացի փռերին
Ֆրանսիացի էներգիայի մատակարարները բավականաչափ չեն անում, որպեսզի օգնեն երկրի հացի փռերին հաղթահարել աճող էլեկտրաէներգիայի վճարները, երեքշաբթի հայտարարել է ֆինանսների նախարար Բռունո Լը Մերը, գրում է Reuters-ը:
Լը Մերը նշել է, որ կառավարությունն ունի «գործիքներ, որպեսզի ստիպի էներգիայի մատակարարներին կատարել իրենց պարտավորությունները պետության եւ ընկերությունների առջեւ»։
Այնուամենայնիվ, նա չի ասել, թե որոնք կարող են լինել այդ գործիքները եւ չի նշել էներգիայի մատակարարների անունները։
Ավելի վաղ նոյեմբերին Ֆրանսիայի հիմնական հացը՝ բագետը, ներառվել է ՄԱԿ-ի մշակութային ժառանգության ցանկում։
«Ֆրանսիական պետությունն անում է հնարավոր ամեն ինչ հացթուխներին օգնելու համար, էներգիա մատակարարողները պետք է իրենց լուման ներդնեն»,-հավելել է նա։
Ավելի վաղ Ֆրանսիայի վարչապետ Էլիզաբեթ Բոռնը հաստատել է ֆրանսիացի հացթուխներին օգնելու ծրագրերը, որոնք թույլ կտան հաղթահարել էլեկտրաէներգիայի աճող վճարները։