Հարավկորեացի զինվորականները ներողություն են խնդրել, որ չեն կարողացել խփել հյուսիսկորեական դրոնները
Հարավկորեացի զինվորականները ներողություն են խնդրել այն բանի համար, որ չեն կարողացել խփել հյուսիսկորեական դրոնները, տեղեկացրել է YTN հեռուստաալիքը։
«Երեկ հակառակորդի հինգ անօդաչու խախտել է Կորեայի Հանրապետության օդային տարածքը։ Մեր զինվորականները հայտնաբերել են դրանք, բայց չեն կարողացել խփել։ Ներողություն ենք խնդրում դրա համար»,- ասել է Կորեայի Հանրապետության Շտաբների պետերի կոմիտեի օպերատիվ շտաբի ղեկավար Կան Սին Չհոլը։
Կան Սին Չհոլը ավելացրել է, որ ՀՕՊ զորամասերում ռադիոլոկացիոն համակարգերի շահագործման ստուգում կիրականացվի։ Հյուսիսային Կորեայի դրոնները, Հարավային Կորեայի պաշտպանության նախարարության տվյալներով, շատ ցածր են թռել, ինչը դժվարացրել է դրանց հայտնաբերումը։
Դեկտեմբերի 26-ին Հյուսիսային Կորեայի անօդաչուները ներխուժել էին Հարավային Կորեայի օդային տարածք՝ 2017-ից ի վեր առաջին անգամ։ Ի պատասխան՝ երկիրը օդ էր բարձրացրել կործանիչներ Հյուսիսային Կորեայի անօդաչուները որսալու համար։ Հարավկորեացի զինվորականները թիրախները խփել չեն կարողացել։ Հյուսիսային Կորեայի հինգ անօդաչուներից մեկը , որը ներխուժել էր Հարավային Կորեայի օդային տարածք, կարող էր հասնել Սեուլում երկրի նախագահի նստավայրի շենքին եւ նկարահանումներ կատարել։