Հարավային Կորեայում գրոհային ինքնաթիռ է կործանվել Հյուսիսային Կորեայից դրոնների ներթափանցման պատճառով

Հարավկորեական թեթեւ գրոհային ինքնաթիռի կործանումը կապված է հյուսիսկորեական դրոնների ներխուժման հետ, տեղեկացրել է հարավկորեական լրատվական YTN հեռուստաալիքը՝ հղում կատարելով երկրի Զինված ուժերի շտաբների պետերի միավորված կոմիտեի տվյալներին։

«Համապատասխան արձագանքման հետեւանքով տեղի է ունեցել միջադեպ։ Ժամը մոտ 11.40-ին թեթեւ գրոհային ինքնաթիռը երկրի ՌՕՈւ-ի 8-րդ էսկադրոնից կործանվել է Մուկերի գյուղի (Հվենսոն շրջան, Կանվոնդո նահանգ) մոտ։ Երկու օդաչուներն էլ կատապուլտացվել են, վնաս չի պատճառվել»,- տեղեկացրել է YTN-ն։

Նրա տվյալներով՝ զինվորականները նշել են, որ միջադեպը տեղի է ունեցել «հյուսիսկորեական դրոնների ներխուժման ժամանակ տակտիկական աջակցությանը պատրաստվելիս»։

Ավելի վաղ տեղեկացվել էր, որ դրոններ են նկատվել հարավկորեական երկնքում, ժամը 10.25-ին, մի շարք շրջաններում, ընդհուպ մինչեւ Սեուլում։ «Ռյոնհափ» գործակալության տվյալներով՝ դրանք մասնավորապես հայտնվել են Կիմպհո շրջանում, Կանհվա եւ Փհաջու կղզիներում, ինչը հանգեցրել է ժամը 13.08-ից մինչեւ 14.10-ը քաղաքացիական չվերթների դադարեցման Ինչհոն եւ Կիմպհո օդանավակայաններում։