Միջանցքն անթույլատրելի է
Անբարոյականներ են բոլոր այն քաղաքական գործիչները, ովքեր շատ լավ գիտեն ազգային ուժերի դիրքորոշումը այսպես կոչված «միջանցքի» վերաբերյալ, բայց հայտարարում են, որ ընդդիմությունը հստակ տեսակետ չի արտահայտել այդ հարցի շուրջ։
Նախ` ըննդիմության որևէ ներկայացուցիչ չի ստորագրել փաստաթուղթ կամ ձեռք չի բերել որևէ պայմանավորվածություն, որը վկայակոչելով թշնամիները կարող են ասել, որ Հայաստանը պարտավորվել է միջանցք տրամադրել թուրք-ադրբեջանական տանդեմին։ Փոխարենը մինչև այսօր մենք որևէ համոզմունք չենք կարող ունենալ, որ Փաշինյանը չունի նման պայմանավորվածություն։ Իր և իր սատելիտները խոսքը չի կարող հիմք հանդիսանալ ինչպես այս, այնպես էլ ցանկացած այլ հարցում։
Բացի այդ՝ ընդդիմադիր դաշտի ներկայացուցիչները տարբեր հարցազրույցներում ու ելույթներում խոսել են այսպես կոչված «միջանցքի» տրամադրման անթույլատրելիության մասին, բացատրել, որ չկան դրա իրավական հիմքերը և այդ պահանջը կարող է պայմանավորված լինել բացառապես Փաշինյանի բանավոր կամ գրավոր պայմանավորվածություններով։ Հենց դրանով էլ նաև հիմնավորվում է Փաշինյանի հրաժարականի պահանջը։ Այս պնդումները կարող եք գտնել թեմայի վերաբերյալ ցանկացած ընդդիմադիրի հարցազրույցում կամ ելույթում։
Եվ 3-րդ․ ի տարբերություն օկուպացիոն վարչակարգի՝ ընդդիմությունն ամեն հարմար առիթով պաշտոնապես սահմանել է իր պատկերացումները և գծել կարմիր գծերը կարևոր հարցերի վերաբերյալ։
Այսպես օրինակ՝ ապրիլի 5-ին և նոյեմբերի 5-ին Երևանում տեղի ունեցած «Դիմադրություն» շարժման հանրահավաքներին ընդունվել են հայտարարություններ, որոնցում այս հարցի վերաբերյալ հստակ արձանագրվում է․
«․․․բացառել Հայաստանի ինքնիշխանության եւ տարածքային ամբողջականության հաշվին հաղորդակցության ուղիների ապաշրջափակման անվան տակ միջանցքների տրամադրումը»
Ապրիլի 5, «Դիմադրություն» շարժման հանրահավաքի ընդունած հայտարարություն
««Զանգեզուրի միջանցքը» պահանջելու թուրք-ադրբեջանական պահանջը չունի որեւէ իրավական հիմք»
Նոյեմբերի 5, «Դիմադրություն» շարժման հանրահավաքի ընդունած հայտարարություն։
Տեսանյութն էլ մայիսի 9-ին կայացած հանրահավաքից է։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները