Բաքուն նոտա է հղել ռուսական կողմին` պահանջելով մուտք գործել Դրմբոնի եւ Կաշենի հանքավայրեր
Ադրբեջանի ԱԳՆ-ն նոտա է հղել ռուսական կողմին՝ Արցախում ռուսական խաղաղապահ զորախմբի պատասխանատվության գոտում գտնվող Դրմբոնի եւ Կաշենի հանքավայրերի շուրջ տեղի ունեցած միջադեպի կապակցությամբ։ Այս մասին ասված է Ադրբեջանի արտաքին գործերի նախարարության մամուլի ծառայության ղեկավար Այխան Հաջիզադեի տարածած հայտարարության մեջ։
«Արտաքին գործերի նախարարությունը նոտա է հղել ռուսական կողմին: Մենք կոչ ենք անում ձեռք բերված պայմանավորվածություններին համապատասխան՝ ապահովել Ադրբեջանի ներկայացուցիչների մուտքն այդ դաշտեր»,- ասված է հայտարարության մեջ։
Հիշեցնենք, որ նախօրեին ադրբեջանական կողմը, հիմք ընդունելով Մարտակերտի շրջանի ականների մոնիտորինգի նպատակով Արցախի Հանրապետությունում տեղակայված Ռուսաստանի Դաշնության խաղաղապահ զորքերի հրամանատարությանը ուղղված նամակը, ծրագրել էր այցելել Դրոմբոն եւ Կաշենի հանքավայրեր։ Արցախի տեղեկատվական շտաբից հայտնում են, որ խաղաղապահ զորքերի հրամանատարությունը վերադասների հանձնարարականով թույլ է տվել մեկանգամյա դիտարկողական այց վերոնշյալ տարածքներ։
«Հաշվի առնելով, որ առաջարկվող ծրագիրը համաձայնեցված չէր Արցախի Հանրապետության իշխանությունների եւ հանքերը շահագործող կազմակերպության հետ, հանքարդյունաբերական կազմակերպության աշխատակիցները եւ հարակից բնակավայրերի բնակիչները ինքնաբուխ արգելափակել են վերոնշյալ խմբի մուտքը հանքավայրերի տարածքներ։
Իրավիճակը կարգավորելու համար Արցախի Հանրապետության իշխանությունների ներկայացուցիչները մեկնել ենն հանդիպման վայրեր, եւ բանակցությունների արդյունքում որոշվել է դադարեցնել հանքավայրերի ծրագրված շրջանցումը եւ լրացուցիչ քննարկումներից հետո հարցը լուծել։
Կոչ ենք անում Արցախի Հանրապետության քաղաքացիներին զերծ մնալ չճշտված տեղեկատվություն տարածելուց եւ հետեւել միայն պաշտոնական տեղեկատվությանը։ Վստահեցնում ենք, որ իշխանությունները ձեռնարկում են բոլոր քայլերը՝ ավելորդ լարվածությունից խուսափելու եւ բոլոր հարցերը Արցախի Հանրապետության օրենսդրությանը համապատասխան լուծելու համար»,- ասված է ուղերձում։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները