Մանդատը միջոց է, գործիք՝ իշխանությանը հեռացնելու համար․ Արծվիկ Մինասյան
ՀՅԴ ԳՄ անդամ, «Հայաստան» խմբակցության քարտուղարն ակնկալում է, որ իշխանությանը հեռացնելու իրենց գործողություններին կմիանա նաև սփյուռքը։
Երբ կգա խորհրդարանական ճգնաժամ ստեղծելու, որից հետո սահմանադրական ճգնաժամ առաջացնելու պահը, մանդատները պետք չեն լինի ընդդիմությանը։ Ազգային ժողովի «Հայաստան» խմբակցության քարտուղար Արծվիկ Մինասյանն այդ մասին ասաց Sputnik Արմենիայի «Աբովյան Time» հաղորդման ժամանակ։
«Այդ մանդատները շպրտելու ենք, և արդեն ազգային մտածողությամբ մարդկանց հետ միասին կձևավորվի նոր իշխանությունը»,- ասաց Մինասյանը։
Նա նաև ներկայացրեց իշխանափոխության հասնելու և երկրի առջև ծառացած խնդիրների լուծման համար ընդդիմության կողմից քննարկվող տարբերակները։
«Խնդրի լուծումը մի քանի գործիքակազմի միաժամանակյա կիրառման մեջ է` դա թե՛ փողոցն է, թե՛ մեր հայրենակիցների, մեր քաղաքացիների ավելի լայն զանգվածների համախմբման անհրաժեշտությունը»,–ասաց Մինասյանը։
Պատգամավորն ակնկալում է, որ իշխանություններին հեռացնելու իրենց գործողություններին կմիանան նաև հատուկ ծառայությունների աշխատակիցները, սպայի ուսադիր կրողները, տարբեր խավերի մարդիկ և սփյուռքը։
«Դրանից հետո պետք է հանրային ճնշման միջոցով ստիպել իշխանությանը և իշխանության մաս կազմող առանձին հատվածների ուղղակի հանուն հայրենիքի փրկության և հանուն իրենց անվտանգության վերադառնալ իրական դաշտ։ Այդ իրավիճակի առաջացմանը եթե կօգնի խորհրդարանական ընդդիմության, «Հայաստան» խմբակցության պատգամավորների մանդաները վայր դնելը, մենք դրան էլ ենք գնալու»,–ասաց Մինասյանը` հավելով, որ իրենք մանդատը օգտագործում են որպես միջոց, գործիք իշխանությանը հեռացնելու համար։
Մանրամասները` տեսանյութում
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները