Հրթիռային հարվածի հետեւանքով Կիեւի մարզում վնասվել է էներգետիկ ենթակառուցվածքը․ «Ուկրէներգո»
Հրթիռային հարվածի հետեւանքով Կիեւի մարզում վնասվել է էներգետիկ ենթակառուցվածքը։ Այս մասին հայտնել է «Ուկրէներգոն»։
Ընկերությունը զգուշացրել է վթարային անջատումների մասին։
«Սպառողներին խնդրում ենք զգույշ սպառել էլեկտրաէներգիան, հատկապես՝ ժամը 17։00-23։00-ն։ Խնդրում ենք չօգտագործել էլեկտրական տեխնիկա, անջատել ավելորդ լուսավորությունը, լվացքը տեղափոխել գիշերը։ Նման միջոցառումները մեր մասնագետներին հնարավորություն են տալիս հնարավորինս արագ կայունացնել իրավիճակը եւ իրականացնել անհրաժեշտ վերականգնողական աշխատանքներ»,-ասվում է ընկերության հաղորդագրության մեջ։