«Հավաստի Աղբյուրը» ներկայացրեց Արևմուտքի ու Փաշինյանի տեսակետն Արցախի հարցում. Անդրանիկ Թեւանյան
«Հավաստի Աղբյուրը» ներկայացրեց Արևմուտքի ու Փաշինյանի տեսակետն Արցախի հարցում: Այս մասին իր ֆեյսբուքյան էջում գրել է ԱԺ «Հայաստան» խմբակցության պատգամավոր Անդրանիկ Թևանյանը։
«Նիկոլ Փաշինյանը «Հավաստի Աղբյուրի» անունից ներկայացրել էր, թե ինչ պահանջներ է Հայաստանի առաջ դնում Ադրբեջանը և ինչ վատն է Ռուսաստանը, որը Ադրբեջանին լարում է Հայաստանի դեմ (Մակրոնն, ըստ ամենայնի, նույն «աղբյուրից» էր ջուր խմել՝ Ռուսաստանին համանման քննադատության ենթարկելուց առաջ)։
Փաշինյանը խոստացել էր, որ իր թերթում կներկայացնի նաև Արևմուտքի մոտեցումներն այս հարցում, սակայն մինչև հիմա դա չի անում։
Փաշինյանի փոխարեն Աստանայում դա արեց մեր թշնամի պետության ղեկավարը՝ Իլհամ Ալիևը։ Նա ներկայացրեց Փաշինյանի, ԵՄ–ի ու Ֆրանսիայի դիրքորոշումն Արցախի հարցում։
Եթե 1994–ից մինչև 2020–ը Ադրբեջանն էր միջազգային հանդիպումների ժամանակ լացում տարածքների ու փախստականների թեմայով, ապա հիմա դերերը փոխվել են։ Հայաստանը ներկայանում է վիզը ծուռ ու պարտված դեմքով։
Եվ ահա այդ վիզը ծուռ և պարտված Նիկոլի ներկայությամբ Ալիևը ԱՊՀ ղեկավարներին պատմեց, թե ինչ է տեղի ունեցել Պրահայում՝ իր, Փաշինյանի, Միշելի ու Մակրոնի մասնակցությամբ (տե՛ս կից տեսանյութը)։
Ալիևն ասաց, որ Ղարաբաղն Ադրբեջան է։ Ասաց նաև, որ Ղարաբաղի հայերի իրավունքների ու անվտանգության հարցը կարգավորվելու է Ադրբեջանի սահմանադրությամբ և ինքը որևէ մեկի հետ չի քննարկելու Ադրբեջանի ներքին հարցը։
Եվ ամենակարևորը՝ Ալիևն ասաց, որ Պրահայում տեղի ունեցած բանակցությունների արդյունքից իր տպավորությունն այն էր, որ Ղարաբաղի հարցով իր այս դիրքորոշումը որևէ մեկի կողմից տարընթերցման տեղիք չի տվել։ Ասել է թե՝ Փաշինյանը, Մակրոնը, Միշելը Ղարաբաղի հարցում տարընթերցում չեն ունեցել Ալիևի հետ։ Նիկոլ Փաշինյանն Աստանայում իր լուռ համաձայնությամբ հաստատեց Ալիևի ասածները, քանզի հակառակ դեպքում կարող էր ասել, որ Ալիևի տպավորությունները Պրահայից չեն համապատասխանում իրականությանը։
Փաստորեն, «Հավաստի Աղբյուրը» Ալիևի միջոցով հայ ժողովրդին ներկայացրեց իր ու Արևմուտքի տեսակետն Արցախի հարցում, այն է՝ «Ղարաբաղն Ադրբեջան է, և վե՛րջ»»,- գրել է նա։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սիթի ՍՊ ընկերության մի քանի աղցանի արտադրությունը կասեցվել է
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Սամվել Կարապետյանին կալանավորելու միջնորդություն է ներկայացվել
Էլեկտրաէներգիայի ընդհատումներ կլինեն Երևանում և մարզերում․ հասցեներ