Հրապարակվել են «Թագը» սերիալի հինգերորդ եթերաշրջանի առաջին կադրերը

Համացանցում հայտնվել են կադրեր «Թագը» սերիալի հինգերորդ եթերաշրջանի նկարահանումներից։ Լուսանկարներից մեկում Էլիզաբեթ Դեբիկին արքայադուստր Դիանայի կերպարում է, նրա սիրելի Դոդի Ֆայեդը եւ փոքրիկ Ուիլյամն ու Հարրին։ Այս մասին հայտնում է Deadline.

Մյուս կադրերում երեւում է Իմելդա Սթոնթոնը՝ թագուհի Եղիսաբեթ II-ի դերում եւ Բիլի Ջենքինսը արքայազն Ֆիլիպի դերում: Ֆիլմի հինգերորդ սեզոնի գործողությունները տեղի են ունենում 1990-ական թվականներին։ Ուշադրությունը կսեւեռվի Դիանայի եւ արքայազն Չարլզի ամուսնալուծությանը, ինչպես նաեւ արքայադստեր ողբերգական մահին:

Ամենայն հավանականությամբ, կարեւոր սյուժետային գիծ նվիրված կլինի 1992 թվականին, որը թագուհին հայտարարեց «սարսափելի»: Հենց այդ ժամանակ էլ Եղիսաբեթ II-ի չորս երեխաներից երեքը բաժանվեցին իրենց ամուսիններից, եւ Վինձորի ամրոցում ավերիչ հրդեհ բռնկվեց։ Սերիալի պրեմիերան կկայանա Netflix-ում նոյեմբերի 9-ին։