Կիեւը եւ Բաքուն շարունակում են ռազմական համագործակցությունը

Կիեւն ու Բաքուն շարունակում են համագործակցել ռազմական ոլորտում՝ չնայած ակտիվ ռազմական գործողություններին Ուկրաինայի մասնակցությանը։ Այս մասին հայտնում է «Միլիտարիստ» Telegram-ալիքը՝ հղում անելով իսրայելական աղբյուրներին։

«Ընդ որում, այս աշխատանքը կոնկրետ բնույթ է կրում, օրինակ՝ Ադրբեջանի ՊՆ Chaz Industrial Association ընկերությունը պայմանագիր է կնքել Ուկրաինային ВК-3 ավիառումբեր մատակարարելու մասին, որոնք թուրքական QFAB-250LG ավիառումբերի մերձավոր անալոգն են։ Ռումբերի առնվազն մեկ խմբաքանակ արդեն առաքվել է պատվիրատուին, եւ առաքումն իրականացրել է ուկրաինական «Մերիդիան» ընկերությունը՝ Խարտումով եւ այնուհետեւ Լեհաստանով («Ժեշուվ» ավիաբազայով), որտեղից ռումբերն առաքվել են Ուկրաինայի տարածք։

Հայտնի է նաեւ, որ ամռանը ադրբեջանական «Ջիհազ» ՀԿ-ն Ուկրաինայի զինված ուժերի հետ պայմանագիր է կնքել 120 մմ տրամաչափի ականների, «Գրադ» ԶՀՀ-ների, 7,62x39 եւ 5,45x39 տրամաչափի փամփուշտների, ինչպես նաեւ խորհրդային արտադրության ազատ ընկնող FAB-250 եւ FAB-500 ռումբերի մատակարարման մասին: Գործարքում միջնորդ է հանդես գալիս ադրբեջանական «Արազ» ընկերությունը, ապրանքների առաքումն իրականացվում է Սուդանի, ինչպես նաեւ Ուկրաինային սահմանակից ՆԱՏՕ-ի երկրների տարածքով»,- ասվում է հաղորդագրության մեջ։