Լեհաստանի իշխանություններն իրենց քաղաքացիներին կոչ են արել լքել Բելառուսը
Լեհաստանի իշխանություններն իրենց քաղաքացիներին կոչ են արել լքել Բելառուսը, հայտնում է Reuters-ը։
«Մենք խորհուրդ ենք տալիս Բելառուսի Հանրապետության տարածքում գտնվող Լեհաստանի քաղաքացիներին հեռանալ նրա տարածքից՝ կոմերցիոն եւ մասնավոր միջոցներով»,- ասվում է կառավարության հայտարարության մեջ։
Վարշավայի եւ Մինսկի հարաբերությունները վատթարացել են 2021 թվականին, երբ Լեհաստանը իր արեւելյան հարեւանին մեղադրեց սահմանին միգրացիոն ճգնաժամ կազմակերպելու համար, եւ էլ ավելի են լարվել Ուկրաինայում պատերազմից հետո։