Փաշինյանը միամտաբար, թե դավաճանաբար կարծել է, թե ժողովրդավարությունն ամենաուժեղ ՀՕՊ-ն է, ռակետն է, տանկն է․ Աշոտյան
Նիկոլ, մեղադրում եմ քեզ, որ դու քանդել ես բանակցային դիրքերն ամբողջությամբ, վստահ եմ, գիտակցաբար։ Երկուսուկես տարվա ընթացքում դու քանդել ես բոլոր բանակցային հիմքերը, դու քանդել ես հայկական դիվանագիտության բոլոր խրամատները, արել ես ամեն ինչ, որ Ադրբեջանը, սկսելով 44-օրյա պատերազմը, միջազգային հանրության աչքերում մաքուր ու արդար երևա։ Այս մասին իր ֆեյսբուքյան ուղիղ եթերում հայտարարել է ՀՀԿ փոխնախագահ Արմեն Աշոտյանը՝ արձագանքելով ԱԺ-ում երեկ Նիկոլ Փաշինյանի հնչեցրած հայտարարություններին։
Նրա խոսքով՝ դա է պատճառը, որ պատերազմի ընթացքում ոչ մի միջազգային կառույց, լուրջ երկիր Հայաստանին, հայ ժողովրդին, Արցախին չպաշտպանեց, չնայած բոլորը գիտեին, որ Ադրբեջանն է մեղավոր, որ Թուրքիան Ադրբեջանի մեջքին կանգնած է, բոլորը գիտեին, որ Մերձավոր Արևելքից վարձկաններ էին բերվել, որ հիվանդանոցներ ու եկեղեցիներ են ռմբակոծվում Ադրբեջանի կողմից, բոլորը գիտեին, որ ֆոսֆորական զենքեր են օգտագործվում, որ ռազմագերիներին խոշտանգում էին, որ հայ տղեքի մարմինները դիակապտության են ենթարկվում։
«Բոլորը գիտեին, բայց ոչ մեկ չկանգնեց հայ ժողովրդի կողքին, քանի որ խնդիրը բանակցային ճանապարհով լուծելու բոլոր ջանքերը Նիկոլ Փաշինյանը գցել է ունիտազն ու կոճակը սեղմել է։ Ու դա արել է հորթի հրճվանքով, ատամները մաքրելով, Մերկելի հետ սելֆի անելով։ Դա արել է, որովհետև միամտաբար, թե դավաճանաբար կարծել է, թե ժողովրդավարությունն ամենաուժեղ ՀՕՊ-ն է, ռակետն է, տանկն է»,-ասաց նա։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները