Արևմուտքը այսօր չի կարողանում ներկայացնել հայկական շահը. Գառնիկ Իսագուլյան

«Թշնամիներին պետք է իշխանությունից հեռացնել: Ցանկացած միջոցով, որովհետև իրենք որևէ միջոց չեն խնայում՝ հայ ժողովրդին վնաս տալու համար: Արցախյան 44-օրյա պատերազմը ձեզ փաստ, որ Նիկոլը խնդիր էր դրել հանձնել Արցախը, և դա շատ գեղեցիկ արեց»,- «Հայաստանի իրական օրակարգը» հանրային քննարկման ժամանակ ասաց Ազգային անվտանգություն» կուսակցության նախագահ Գառնիկ Իսագուլյանը:

Ապա քաղաքական գործիչն անդրադարձավ, թե ինչ առաջնահերթ աշխատանք է պետք կատարել. «Հանրությանը պետք է բացատրենք, որ Նիկոլը խաղաղության պայմանագիր չի կնքում, նա գնում է ստորագրելու հաջորդ, հերթական կապիտուլյացիան: Արցախում կանգնեց, ասաց՝ Արցախը Հայաստան է, և վերջ, ու տվեց Ադրբեջանին, նույնկերպ ասում է, որ գնում է ստորագրելու խաղաղության պայմանագիր, բայց իրականում ստորագրում է նոր կապիտուլյացիոն փաստաթուղթ: Նոր պարտության փաստաթուղթ:

Անդրադառնալով արտաքին քաղաքականությանը՝ նշեց. «Եթե Նիկոլի նման պետք է մտածենք վազել Բրյուսել, Մոսկվա, հետո չգիտեմ որտեղ, դա ունենալու է ծանր հետևանքներ: Մենք, եկեք մեզ Թուրքիայի հետ չհամեմատենք: Թուրքիան լինելով ՆԱՏՕ-ի անդամ՝ Ուկրաինայում ՆԱՏՕ-ն պատերազմ է վարում Ռուսաստանի դեմ, ինքը կարողանում է այդտեղ բալանսավորված քաղաքականություն վարել: Արտաքին քաղաքականության մեջ պետք է հստակ իմանանք՝ մենք որտեղ ենք, ով է մեր անվտանգության երաշխավորը: Արևմուտքն այսօր չի կարողանում ներկայացնել հայկական շահը, Արցախի շահը: Եվ դա անում է, ո՞վ, Մոսկվան, եկեք չվախենանք այդ մասին հստակ ասել»: