Մի՞թե Ալլա Պուգաչովան է Վլադիմիր Սոլովյովի դեմքի վրայի հետքերի հեղինակն ու պատվիրատուն
Հեռուստահաղորդավար եւ Կրեմլի առաջատար քարոզիչ Վլադիմիր Սոլովյովը հրաժարվել է բացատրել դեմքի վրա հետքերի հայտնվելը։ «Դա ձեր գործը չէ»,-ասել է նա URA.RU-ի թղթակցին։
Սեպտեմբերի 7-ին Սոլովյովը դեմքի վրա հետքերով հայտնվել է իր Soloviev Live հաղորդմանը։ Դրանից հետո հեռուստահաղորդավարի վնասված մաշկը շպարով ծածկել են։
Ավելի վաղ երգչուհի Ալլա Պուգաչովան հայտարարել է, որ Ռուսաստան վերադառնալուց հետո պատրաստվում է «ջարդել մի մարդու գլուխը»։ Շատերը կարծում են, որ Պուգաչովան հենց Սոլովյովին նկատի ուներ։ Նա նաեւ Սոլովյովին խորհուրդ է տվել քիչ ժամանակ հատկացնել քննադատությանը, հակառակ դեպքում նա «կարող է պայթել զայրույթից եւ բռիությունից»։