«Նարկո» ֆիլմի պրոդյուսերը դատարանի միջոցով պահանջում է իրեն վճարել սերիալի շահույթի մի մասը
«Նարկո» ֆիլմի պրոդյուսեր Խոսե Պադիլյան դատարանի միջոցով նախկին գործընկերոջից՝ Էրիկ Նյումանից 1 միլիոն դոլար է պահանջել, հայտնում է Variety-ն։
Դատարան դիմելու պատճառը եղել է Պադիլյային շոուից ստացված շահույթի չվճարված մասը։ Պրոդյուսերի խոսքով՝ ինքը եւ Նյումանը պայմանավորվել են ստացված եկամուտների հավասարաչափ բաժանման շուրջ, սակայն նա խախտել է պայմանավորվածությունը։ Այժմ Պադիլյան նախկին գործընկերոջից պահանջում է վերադարձնել մեկ միլիոն դոլար։
Փաստաթղթերում նշվում է, որ Նյումենը եւ նրա ընկերությունը շոուից «մի քանի միլիոն դոլար» են վաստակել, որի մասին չեն հայտնել։ Այսպիսով, հայցը պահանջում է վճարել շոուի չգրանցված բոլոր եկամուտների 50 տոկոսը:
«Նարկո»-ն ամերիկյան Netflix-ի սերիալն է, որը պատմում է կոլումբիացի նարկոբարոն Պաբլո Էսկոբարի կյանքի մասին։ Շոուի պրեմիերան տեղի է ունեցել 2015 թվականի օգոստոսի 28-ին։ Սերիալը ստեղծել են Քրիս Բրանկատոն, Կարլ Բեռնարդը եւ Դագ Միրոն ու բրազիլացի ռեժիսոր Խոսե Պադիլյան։