Երեք նոր անցակետերի ստեղծումն իրականացվում է Բաքվի միջանցքային տրամաբանության շրջանակներում. Սեյրան Օհանյան
Ադրբեջանից Նախիջեւան տարանցումն ապահովելու համար երեք նոր անցակետերի տեղակայման աշխարհագրությունը եւս ընտրվել է՝ հաշվի առնելով Ադրբեջանի կողմից առաջ տարվող միջանցքային տրամաբանությունը։ Այս մասին օգոստոսի 23-ին լրագրողներին ասաց «Հայաստան» ընդդիմադիր խմբակցության ղեկավար, ՀՀ պաշտպանության նախկին նախարար Սեյրան Օհանյանը։
Նրա խոսքով՝ իշխանությունները պետք է հանրությանը բացատրեն, թե ինչ եւ որտեղ է տեղադրվելու, եւ որ երկրների համապատասխան ծառայություններն են այնտեղ ներկա գտնվելու։ «Այն հատվածների դիտարկումը, որտեղ տեղակայվելու են անցակետերը, ցույց է տալիս, որ ճանապարհների եւ ենթակառուցվածքների տեսանկյունից այդ ամենն իրականացվում է Ադրբեջանի կողմից առաջ մղվող միջանցքի տրամաբանության շրջանակներում»,- ասաց նախկին նախարարը։
Նա նաեւ անընդունելի համարեց այն, որ երկրի իշխանությունները վերոնշյալ գործընթացն իրականացնում են՝ շրջանցելով գործող ընթացակարգերը։
«Ի վերջո, Հայաստանն օրենսդիր մարմին ունի՝ Ազգային ժողովը, եւ երկրի գործադիր իշխանությունը հաշվետու է խորհրդարանին։ Առանց օրենսդիր մարմնի համաձայնության եւ առանց համապատասխան մասնագիտացված հանձնաժողովներում հարցն ուսումնասիրելու նման քայլեր ձեռնարկելն անընդունելի է»,- եզրափակեց Օհանյանը։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները