Փաշինյանը պետք է հեռանա կա’մ ինքնուրույն, կա’մ իրավական գործընթացի նախաձեռնմամբ․ Փաշինյանի հրաժարականի պահանջով հանրահավաքը. (տեսանյութ)

Հանրապետության հրապարակում քիչ առաջ մեկնարկեց վարչապետ Նիկոլ Փաշինյանի հրաժարականի պահանջով հանրահավաքը։

Հանրահավաքի մասին հայտարարել էր Լեհաստանում Հայաստանի նախկին դեսպան, Սահմանադրական դատարանի աշխատակազմի նախկին ղեկավար Էդգար Ղազարյանը:

Նա հայտարարեց «Անկախության շարժման» ստեղծման մասին։

Ըստ Էդգար Ղազարյանի՝ սեպտեմբերի 21-ին Փաշինյանը պետք է հեռանա՝ կա՛մ ինքնուրույն, կա՛մ իրավական գործընթացի նախաձեռնմանբ, կա՛մ ԱԺ 1/3-ի կողմից վարչապետին անվստահություն հայտնելու միջոցով։

Էդգար Ղազարյանի խոսքով՝ պատգամավորները պետք է անվստահություն կհայտնեն Փաշինյանին։ Ղազարյանը հայտարարեց երեք հանրահավաք անցկացնելու պլանների մասին։ Առաջինը տեղի կունենա օգոստոսի 23-ին, երկրորդը՝ սեպտեմբերի 2-ին, դա «Դիմադրություն» շարժման հանրահավաքն է, երրորդը՝ սեպտեմբերի 21-ին՝ խորհրդարանի բակում Փաշինյանի հրաժարականի նախաձեռնության քննարկման ժամանակ։

Նախկին դեսպանը վստահեցրեց, որ նոր շարժումը «Դիմադրություն» շարժման հետ կապ չունի։ Նրա խոսքով՝ նոր շարժումը չի հակադրվում այն գործողություններին, որոնք կիրականացնեն «Դիմադրություն» շարժման գործընկերները։