Ռուսաստանը մտադիր է հրաժարվել «թունավոր» դոլարից եւ եվրոյից. ՌԴ ԱԳՆ

Ռուսաստանը մտադիր է հրաժարվել «թունավոր» դոլարից եւ եվրոյից ներդրումների եւ գործընկերների հետ առեւտրատնտեսական հարաբերություններում։ Դրա պատճառն աճող ճնշումն է արեւմտյան երկրների կողմից, հայտարարել է փոխարտգործնախարար Ալեքսանդր Պանկինը, գրում է «Կոմսոմոլսկայա պրավդա»-ն։

«Հավաքական Արեւմուտքի աճող աշխարհաքաղաքական ճնշման ֆոնին Ռուսաստանի եւ նրա գործընկերների միջեւ առեւտրատնտեսական եւ ներդրումային կապերի կայունությունը երաշխավորելու միակ միջոցը «թունավոր» դարձած արժույթների, առաջին հերթին՝ ԱՄՆ դոլարի ու եվրոյի, օգտագործումից խուսափելն է»,- ՏԱՍՍ-ի հետ զրույցում ասել է ռուս բարձրաստիճան դիվանագետը՝ մանրամասնելով, որ մոտ ապագայում Մոսկվան այլընտրանքային արժույթներով հաշվարկների լայնածավալ անցում կիրականացնի։