Էներգետիկ ճգնաժամն ազդել է համաշխարհային տնտեսության հինգ հիմնական հումքային ոլորտների վրա. Bloomberg

էներգետիկ ճգնաժամը համաշխարհային տնտեսության հինգ հիմնական հումքային ոլորտների վրա ծանր ճնշման է հանգեցրել, հայտնում է Bloomberg-ը։

Արդյունաբերական եւ կանաչ մետաղների, ինչպես նաեւ պողպատի, պարարտանյութերի եւ շաքարավազի արտադրողները ստիպված են կրճատել արտադրության ծախսերը։ Բացի այդ, դժվարություններ են ապրում նաեւ էլեկտրաքարերի մարտկոցների եւ արեւային էներգիայի արտադրության համար նյութեր արտադրողները, նշում է պարբերականը։

Գերատեսչության տվյալներով՝ էներգետիկ ճգնաժամն ազդել է ցինկի ձուլման վրա։ Ընդ որում, Եվրոպան մեկ տարվա ընթացքում կորցրել է այս ոլորտում իր կարողությունների մոտ կեսը։ Նվազել է նաեւ պողպատի արտադրությունը։ Օրինակ, Չինաստանի Սիչուան նահանգում երաշտի հետ կապված էլեկտրաէներգիայի անջատումը պողպատի գործարաններում աշխատանքի ավելի քան 70 տոկոս դադարեցման կամ արտադրության կտրուկ նվազման է հանգեցրել:

Bloomberg-ի տվյալներով՝ Եվրոպայում պարարտանյութ արտադրողները կորցրել են իրենց հզորության մինչեւ մեկ քառորդը։ Ավելին, 2023-ին, ըստ կանխատեսումների, անկումը 2008-ի ճգնաժամի ցուցանիշներին կհասնի։ Իսկ վերլուծաբանները հաշվարկել են, որ աշխարհում պարենային ապրանքների գները կբարձրանան շաքարավազի ինքնարժեքի բարձրացման պատճառով։