Մադրիդի «Ռեալի» կամային հաղթանակը (տեսանյութ)

Իսպանիայի առաջնության մեկնարկային տուրում չեմպիոն «Ռեալը» հյուրընկալվեց «Ալմերիային»։ Իտալացի Կառլո Անչելոտիի գլխավորած թիմը կամային հաղթանակ տարավ 2:1 հաշվով։

Դաշտի տերերն արդեն 6-րդ րոպեին բացեցին խաղի հաշիվը բելգիացի հարձակվող Լարջի Ռամազանիի գոլի շնորհիվ։ 61-րդ րոպեին հավասարությունը վերականգնեց Արքայական թիմի իսպանացի հարձակվող Լուկաս Վասկեսը։ «Ռեալի» հաղթական գոլը 75-րդ րոպեին խփեց ավստրիացի պաշտպան Դավիդ Ալաբան։

«Ռեալը» երկրորդ տուրում օգոստոսի 20-ին Վիգոյում կմրցի «Սելտայի» հետ։