Մանեն գլխավորում է «Բավարիայի» ամենաբարձր վարձատրությամբ խաղացողների ցուցակը

Անգլիայի փոխչեմպիոն «Լիվերպուլից» տեղափոխված սենեգալցի հարձակվող Սադիո Մանեն գլխավորում է Գերմանիայի չեմպիոն Մյունխենի «Բավարիայի» ամենաբարձր վարձատրությամբ ֆուտբոլիստների ցուցակը։

30-ամյա ֆուտբոլիստի տարեկան աշխատավարձը 22 միլիոն եվրո է, հաղորդում է գերմանական Bild-ը։

Հաջորդ տեղերում են դարպասապահ Մանուել Նոյերը (21 միլիոն եվրո), հարձակվող Թոմաս Մյուլերը (20,5 միլիոն եվրո), կիսապաշտպաններ Լերոյ Սանեն (20 միլիոն եվրո), Քինգսլի Քոմանը (20 միլիոն եվրո), Սերժ Գնաբրին (19 միլիոն եվրո), Ջոշուա Կիմիխը (19,5 միլիոն եվրո), պաշտպան Մատեյս Դե Լիգտը (16 միլիոն եվրո)։