Լեւոն Արոնյանը հաղթեց եզրափակիչի առաջին սեթում

Հայաստանի հավաքականի նախկին առաջատար, ԱՄՆ-ի ներկայացուցիչ Լեւոն Արոնյանը արագ շախմատի FTX Road to Miami օնլայն մրցաշարի եզրափակիչում մրցում է չինացի Յի Վեյի հետ։ Հուլիսի 16-ին անցկացվեց առաջին սեթը։ Լեւոն Արոնյան առավելության հասավ 4 պարտիայում՝ 2,5:1,5: Երեք ոչ ոքիից հետո Արոնյանը չորրորդ պարտիայում հասավ հաղթանակի։

Հուլիսի 17-ին կանցկացվի երկրորդ սեթը։ Եթե հաղթի երկրորդ օրը հաղթի Յի Վեյը, կանցկացվի թայ-բրեյք։

Հիշեցնենք, որ կիսաեզրափակիչում Արոնյանը հաղթել էր լեհ Յան-Կշիշտոֆ Դուդային՝ 3:1:

Յի Վեյը 2,5:0,5 հաշվով պարտության էր մատնել հունգարացի Ռիչարդ Ռապորտին։

FTX Road to Miami-ն Meltwater Champions Chess Tour-ի հերթական փուլն է, որի մրցանակային հիմնադրամը 150 հազար դոլար է։