«Արարատի» նախկին ֆուտբոլիստը մահացել է 29 տարեկանում

Ռուսաստանցի ֆուտբոլիստ Ալեքսանդր Կոզլովը մահացել է 29 տարեկանում, հաղորդում է Sports.ru-ն։ Մի քանի աղբյուրների տեղեկությունների համաձայն՝ պատճառը անոթային տրոմբն է եղել։

Ալեքսանդր Կոզլովը 5 տարի Մոսկվայի «Սպարտակում» հանդես գալուց հետո 2016-ից հանդես է եկել ռուսական «Տոսնոյում», «Ֆակելում», ղազախական «Օկժետպեսում», ռուսական «Տյումներում», «Խիմկիում»։

2019-ին նա հանդես է եկել նաեւ Երեւանի «Արարատում»։ 2020-2022-ին Ալեքսանդր Կոզլովը հանդես էր գալիս Ղրիմի առաջնությունում։