Պաշտոնապես հայտարարում եմ՝ Վիլեն Գաբրիելյանը ճիշտ չի խոսում. Գեղամ Մանուկյան
ՔՊ-ական պատգամավոր Վիլեն Գաբրիելյանը ճիշտ չի ասում, թե ընդդիմությունը չի մասնակցել «Պաշտպանության մասին» օրենքի նախագծի քննարկումներին: Այս մասին Facebook-ի իր էջի ուղիղ եթերում հայտարարել է «Հայաստան» խմբակցության պատգամավոր Գեղամ Մանուկյանը, որը խմբակցության ղեկավար Սեյրան Օհանյանի ու պաշտոնաթող գեներալ-մայոր Վալերի Քոչարյանի հետ գտնվում է Սյունիքում:
«Այսօր ԱԺ արտահերթ նիստում քննարկվում էր «Պաշտպանության մասին» օրենքում փոփոխությունը, որը վերաբերում է ԳՇ պետի կարգավիճակի փոփոխությանը:
Ռուբեն Ռուբինյանը հարցրել է՝ արդյոք այս կարեւոր նախագծի քննարկմանը ընդդիմությունը մասնակցել է, թե ոչ, Վիլեն Գաբրիելյանը պատասխանել է, թե չի մասնակցել եւ հավելել, որ ընդդիմությունն ավելի շատ մտագհոգված էր իրենց կողմնակիցներին եռամսյա հավաքների ծանուցագրեր ուղարկելով:
Պաշտոնապես հայտարարում եմ՝ Վիլեն Գաբրիելյանը ճիշտ չի խոսում: Դեռ ամիսներ առաջ այդ նախագիծը քննարկվել է պաշտպանության հանձնաժողովում, փակ քննարկում է եղել, որին մասնակցել են ընդդիմադիր պատգամավորներ Գեղամ Նազարյանը, Տիգրան Աբրահամյանը եւ ես: Մենք բազմաթիվ դիտողություններ ենք ունեցել: Խոսել ենք այդ նախագծի վտանգավորության մասին, գրավոր առաջարկներ ենք արել: Մենք համարել ենք, որ ՔՇ պետին պաշտպանության փոխնախարար դարձնելը քաղաքական վերահսկողություն սահմանել է բանակի վրա: ԳՇ պետը քաղաքականացված պաշտոն է դառնում, որովհետեւ նախարարը քաղաքական պաշտոն է: Մենք մասնկցել ենք քննարկումներին, որովհետեւ Արցախի ու Հայաստանի պաշտպանությունը մեզ համար անկյունաքարային հարց է»,-ասել է նա:
Մանուկյանը նշեց, որ իրենք ամիսներ առաջ մասնակցել են նաեւ «Աշխարհազորի մասին» օրենքի քննարկումներին, բազմաթիվ առաջարկներով են հանդես եկել. «Այդ օրենքն ընդունվել է 2021-ին, մեկ տարի է աշխարհազորը ձեւավորված չէ: ինչեւ հիմա համալրված չեն աշխարհազորի գծով փոխմարզպետների հաստիքները»,-հավելելց նա:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները