«Լիվերպուլը» փոխարինող է գտել Սադիո Մանեին

Անգլիայի փոխչեմպիոն «Լիվերպուլը» փոխարինող է գտել 30-ամյա սենեգալցի հարձակվող Սադիո Մանեին, որը կարիերան կշարունակի Գերմանիայի չեմպիոն Մյունխենի «Բավարիայում»։

Լիվերպուլյան թիմի գերմանացի գլխավոր մարզիչ Յուրգեն Կլոպը հետաքրքրված է Իսպանիայի չեմպիոն եւ Չեմպիոնների լիգայի գավաթակիր Մադրիդի «Ռեալի» 26-ամյա իսպանացի ենթահարձակվող Մարկո Ասենսիոյի ծառայություններով, հաղորդում է իսպանական AS-ը։

Մարկո Ասենսիոյի պայմանագիրն Արքայական ակումբի հետ նախատեսված է մինչեւ հաջորդ մրցաշրջանի ավարտը։

Անցած մրցաշրջանում նա իտալացի Կառլո Անչելոտիի գլխավորած թիմի հետ մասնակցել է 42 հանդիպման, խփել 12 գոլ, կատարել 2 գոլային փոխանցում։

Transfermarkt-ը Մարկո Ասենսիոյի տրանսֆերային արժեքը գնահատում է 40 միլիոն եվրո։