ԱՄՆ փոխպետքարտուղարը տարածաշրջան կգա. մինչև ո՞ւր կձգվի ՌԴ-Արեւմուտք մրցակցությունը

Ռուսաստանի արտգործնախարարն Անկարայից Երեւան եկավ, եւ այստեղ հնչած հայտարարությունների առանցքը մեկն էր՝ ֆիքսել, որ Հայաստան-Ադրբեջան բանակցություններում Ռուսաստանի միջնորդությունն ու իր աջակցությամբ ձեռք բերված եռակողմ պայմանավորվածությունները չեն կորցրել իրենց արդիականությունը, եւ որ դրանք շարունակում են մնալ որպես բանակցությունների հիմք։ Միաժամանակ, հաջորդ շաբաթ Ադրբեջան, Վրաստան եւ Հայաստան է այցելելու ԱՄՆ պետքարտուղարի Եվրոպայի եւ Եվրասիայի հարցերով տեղակալ Քարեն Դոնֆրիդը, որի հանդիպումների գլխավոր թեմաներից մեկն էլ Հայաստան-Ադրբեջան բանակցություններն են լինելու։

Ղարաբաղյան հակամարտության կարգավորման հեռանկարների, ինքնորոշման իրավունքնի վերակենդանացման հնարավորությունների, Արցախի հետագա կարգավիճակի եւ Ռուսաստանի համար Արցախի ունեցած կարևորության մասին դիտեք Հայկ Սահակյանի հարցազրույցը Ղարաբաղյան հակամարտության հարցերով Ռուսաստանի նախագահի նախկին լիազոր ներկայացուցիչ, ԵԱՀԿ Մինսկի խմբում Ռուսաստանի նախկին համանախագահ Վլադիմիր Կազիմիրովի հետ։

Եվրամիության եւ Ռուսաստանի միջնորդական մրցակցության, դրա հնարավոր ռիսկերի, հայ-թուրքական հարաբերությունների հարցում Ռուսաստանի դիրքորոշման եւ այլ հարցերի շուրջ կարող եք դիտել նաեւ դիտեք Մոսվկավայի միջազգային հարաբերությունների պետական ինստիտուտի առաջատար գիտաշխատող Սերգեյ Մարկեդոնովի հետ։