Հայաստանի ոսկե եւ բրոնզե մեդալները

Կոսովոյում շարունակվող ծանրամարտի Եվրոպայի մինչեւ 17 տարեկանների առաջնությունում Հայաստանը նվաճել է եւս մեկ ոսկե մեդալ: 69 կգ քաշայինների պայքարում երկամարտի 296 (134+162) կգ արդյունքով հաղթել է Արմեն Գրիգորյանը: Ռաֆիկ Հարությունյանը 295 (135+160) կգ արդյունքով գրավել է երրորդ տեղը:

Հիշեցնենք, որ Եվրոպայի մինչեւ 15 տարեկանների առաջնությունում Հայաստանի ներկայացուցիչ Գեւորգ Ղահրամանյանը նվաճել է 69 կգ քաշայինների հաղթողի կոչումը:
Մինչեւ 17 տարեկանների առաջնությունում Բաբկեն Բագրատյանը 62 կգ քաշային կարգում նվաճել է արծաթե մեդալ:
50 կգ քաշային Արա Պողոսյանը (15 տարեկաններ) դարձել էր ոսկե, Մոնթե Մխիթարյանը (17 տարեկաններ)՝ արծաթե մեդալակիր: