Լեւոն Արոնյան. Երջանիկ եմ, որ նվաճեցի հավակնորդների մրցաշարի ուղեգիր, եզրափակիչը բոնուս է
Հայաստանի հավաքականի առաջատար Լեւոն Արոնյանը մեկնաբանել է հաղթանակը ֆրանսիացի Մաքսիմ Վաշյե-Լագրավի նկատմամբ շախմատի աշխարհի գավաթի խաղարկության կիսաեզրափակիչում:
«Երջանիկ եմ, որ նվաճեցի հավակնորդների մրցաշարի ուղեգիր, դա էր նպատակը: Եզրափակիչը բոնուս է: Մոտիվացիան հստակ է, Դին Լիրենի հետ -2 է իմ արդյուքների հաշվեկշիռը, պետք է շտկել վիճակագրությունը:
Թայ-բրեյքին հատուկ չեմ պատրաստվում: Ինչ մարզվես, եթե հաղթած դրությունում վրիպում ես, իսկ պարտված դիրքերում փրկվում ես: Նման բաների համար հնարավոր չէ մարզվել, պետք է պարզապես հավատալ:
Կիսաեզրափակիչում երկուսս էլ նյարդերի հետ կապված խնդիրներ ունեինք: Եզրափակիչում չինական նյարդերի դեմ այսպիսի բաները չեն անցնի: Հանգիստ մնալու համար առանձնահատուկ ոչինչ չեմ անում: Կատարելությունը սահման չունի:
Հարսանիքը մեծ մոտիվացիա է. ինչքան երկար մնամ այստեղ, այդքան մեծ է շանսը, որ հարսանեկան հարցերով չեմ զբաղվի: Հարսնացուս այստեղ չէ, նա լուրջ հարցերով է զբաղված՝ հարսանյաց հանդեսն է կազմակերպում: Նա շատ է ինձ երկրպագում եւ գոհ է, որ այսքան երկար մնացի այստեղ»,- Լեւոն Արոնյանի խոսքը մեջբերում է chess-news-ը:
Եզրափակիչի մյուս մասնակից, չինացի Դին Լիրենը կիսաեզրափակիչում պայքարից դուրս է թողել ամերիկացի Ուեսլի Սոյին:
Եզրափակիչը կմեկնարկի սեպտեմբերի 23-ին:
Երթևեկության կազմակերպման փոփոխություն՝ Վարդանանց փողոցում
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Արգենտինան ներկայացնող Արսեն Ջուլֆալակյանը ոսկե մեդալ նվաճեց
ՀՀ անկախության տոնին նվիրված համերգը՝ Հանրապետության հրապարակում (տեսանյութ)
Շարունակում ենք ստուգայցերը ՊՆ զորամասեր (տեսանյութ)
Ով կներկայացնի Հայաստանն այս տարի «Մանկական Եվրատեսիլ» մրցույթում
Սպիտակ տունը գործարկել է Trump TV-ն
Z համաշխարհային պատերազմը վերադառնում է
Լույսն ամենաթանկ նվերն է, որ կարող ես տալ մարդուն