«Ռեալը» հաղթեց առանց Բենզեմայի, Ռոնալդուի եւ Մարսելոյի

Ֆուտբոլի Իսպանիայի առաջնութան չորրորդ տուրում Մադրիդի «Ռեալը» առանց հիմնական կազմի առանցքային մի շարք ֆուտբոլիստների կարողացավ մրցակցի դաշտում 3:1 հաշվով հաղթել «Ռեալ Սոսյեդադին»:

Չնայած հաղթանակին, «Ռեալի» խաղը չտպավորեց: Չափից ավելի շատ էին սխալ փոխանցումները եւ գնդակի կորուստները: Այսուհանդերձ, Մայորալի, Բեյլի եւ Ռոդրիգեսի ինքնագոլի շնորհիվ «Ռեալը» հաղթեց եւ ութ միավորով առայժմ միայն չորրորդն է:

Աղյուսակը տասներկու միավորով գլխավորում է «Բարսելոնան», որը չնայած չորս հաղթանակ է տարել, բայց առաջատարին վայել խաղ չի ցուցադրում: Այս տուրում էլ բարսելոնցիները մի կերպ՝ 2:1 հաշվով հաղթեցին «Խետաֆեին»:

Ի դեպ, երկրորդ գոլը խփելուց առաջ, երբ հաշիվը 1:1 էր, Պիկեն սեփական տուգանային հրապարակում ձեռքով խաղաց եւ թիմին փրկեց գոլից, բայց մրցավարները կանոնների խախտում եւ 11 մետրանոց չնշանակեցին:

«Բարսելոնան» շարունակում է վայելել մրցավարների անվերապահ աջակցությունը:

Top-News.am