Մադրիդի «Ռեալի» եկամուտն աճել է

Մադրիդի «Ռեալը» պաշտոնական կայքում հրապարակել է 2016-2017 թվականների մրցաշրջանի ֆինանսական հաշվետվությունը: Անցած տարի Արքայական ակումբի եկամուտը կազմել է 674,6 միլիոն եվրո: Նախանցած տարվա համեմատ եկամուտն աճել է 54.5 միլիոն եվրոյով: Հարկերը վճարելուց հետո «Ռեալի» շահույթը կազմել է 21.4 միլիոն եվրո, զուտ կապիտալը 463.5 միլիոն եվրո է, ֆինանսական միջոցների մնացորդը 178 միլիոն եվրո: Ակումբն ունի նաեւ 10.3 միլիոն եվրոյի պարտք:

Հիշեցնենք, որ անցած մրցաշրջանում «Ռեալը» դարձել է Իսպանիայի չեմպիոն, Չեմպիոնների լիգայի գավաթակիր եւ Եվրոպայի սուպերգավաթակիր: