Փաստաբանի գրառումից հետո Առողջապահության նախարարության ֆեյսբուքյան էջից հեռացվել է գրառումը

Փաստաբանի գրառումից հետո Առողջապահության նախարարության ֆեյսբուքյան էջից հեռացվել է գրառումը

Փարիզյան Սուրճ ընկերությունն օրեր առաջ ֆեյսբուքյան էջում՝փաստաթղթեր էր հրապարակել՝ հայտնելով, որ ընկերության ամբողջ անձնակազմն ինքնակամ պատվաստվել է: 

Ընկերության գրառմամբ կիսվել էր Առողջապահության նախարարության ֆեյսբուքյան էջը, նշելով, որ հերթական ընկերությունն է միացել պատվաստման գործընթացին:

Փաստաբան Ինեսսա Վարդանյանը ֆեյսբուքյան իր էջում գրառում է արել՝ ընկերությանն ու առողջապահության նախարարությանը հիշեցնելով «Անձնական տվյալների պաշտպանության մասին» ՀՀ օրենքը:

«Տիկին Անահիտ Ավանեսյան երեկ Ձեզ հավաստիացնում էի չէ, որ բացի Ձեր կողմից անընդմեջ մատնանշվող օրենքից, այլ օրենքներ էլ կան... Այ օրինակ «Անձնական տվյալների պաշտպանության մասին» ՀՀ օրենքը, որը Դուք և Փարիզյան սուրճը ոտքի տակ տվեցիք տեղադրելով և տարածելով այս «փաստաթուղթը»...
Հ.Գ.
1. «Անձնական տվյալների պաշտպանության մասին» ՀՀ օրենքի համաձայն ֆիզիկական անձին վերաբերող ցանկացած տեղեկություն, որը թույլ է տալիս կամ կարող է թույլ տալ ուղղակի կամ անուղղակի կերպով նույնականացնել անձի ինքնությունը համարվում է անձնական տվյալ։
2.Իսկ անձնական տվյալներ մշակելու հիմնական սկզբունքների և դրա օրինականությանը վերաբերող դրույթներին պիտի որ վաղուց տեղյաք լինեիք....
3. Հրապարակային հայտնում եմ, որ Legal Minds Law Firm-ը պատրաստ է Ձեզ մատուցել իրավաբանական անվճար խորհրդատվություն՝ նպատակ ունենալով խնայել հասարակության ներվային համակարգը»:

Նշենք, որ Առողջապահության նախարարության ֆեյսբուքյան էջերից այս պահին հեռացվել է վերոնշյալ գրառումը: Իսկ Փարիզյան Սուրճ ընկերությանը ֆեյսբուքյան էջում գրառումը խմբագրվել է: