US Open. Շարապովան առաջին շրջանում հաղթել է աշխարհի երկրորդ ռակետ Հալեպին

Ռուս թենիսիստուհի Մարիա Շարապովան դուրս է եկել ԱՄՆ-ի Բաց առաջնության երկրորդ շրջան:

Առաջին շրջանում Մարիան 6:4, 4:6 և 6:3 հաշվով հաղթել է աշխարհի երկրորդ ռակետ, ռումինացի Սիմոնա Հալեպին:

Հանդիպումը տևել է 2 ժամ 42 րոպե, ինչից հետո ռուս թենիսիստուհին, որը տևական դադարից հետո վերադարձել է մեծ թենիս, չի կարողացել զսպել արցունքները:

Շարապովայի հաջորդ մրցակիցը կլինի Հունգարիայի ներկայացուցիչ Թիմեա Բաբոշը, որը հաղթել է շվեյցարացի Վիկտորիա Գոլուբիչին:

tert.am