Հենրիխ Մխիթարյանի գրառումը սոցցանցում

Անգլիայի Պրեմիեր լիգայի 3-րդ տուրում «Մանչեսթեր Յունայթեդը» 2:0 հաշվով հաղթեց «Լեսթերին»:

«Կարմիր սատանաների» կազմում հանդիպմանը մասնակցեց Հայաստանի ընտրանու ավագ, կիսապաշտպան Հենրիխ Մխիթարյանը, ով դարձավ գոլային փոխանցման հեղինակ:

Այդ փոխանցման շնորհիվ հայ կիսապաշտպանը կրկնել է 1994/95թթ. մրցաշրջանում Ռուել Ֆոքսի ցուցանիշը. նա նույնպես 3 տուրերում դարձել էր 5 գոլային փոխանցման հեղինակ:

Հանդիպումից հետո Մխիթարյանը գրառում է կատարել սոց. ցանցերում:

«Հուսով եմ, որ ընթացիկ մրցաշրջանում բազում գոլերի և գոլային փոխանցումների հեղինակ կդառնամ: Առաջ, «Մանչեսթեր Յունայթեդ»»,- գրել է հայ կիսապաշտպանը: