Հենրիխ Մխիթարյան. Մեկնարկը լավ ստացվեց, բայց առջեւում 36 խաղ կա
«Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանը խոսել է անցած մրցաշրջանի խնդիրների եւ այս տարվա հաջող մեկնարկի մասին:
«Անցած մրցաշրջանում շատ էին ոչ ոքի արդյունքները, եւ դա խնդիր էր: Կարծում եմ՝ այս մրցաշրջանում ավելի շատ հաղթանակներ կունենանք: Հնարավոր է՝ հաջողությունը մեզ չէր ժպտում, հաջողակ էինք միայն Եվրոպայի լիգայում, բայց այս տարի պետք է կենտրոնացած լինենք այդ խնդրի լուծման վրա: Մեկնարկը լավ ստացվեց, բայց առջեւում 36 խաղ կա:
«Լեսթերի» դեմ սպասվում է բարդ հանդիպում, քանի որ նրանք նույնպես լավ են սկսել մրցաշրջանը: Իհարկե, նրանք 3:4 հաշվով պարտվել են «Արսենալին», բայց հրաշալի էին խաղում: «Լեսթերի» հետ միշտ էլ դժվար է խաղալ, քանի որ ուժեղ թիմ ունեն: Բայց մենք կձգտենք հաղթել նաեւ երրորդ խաղում, որպեսզի համոզվենք, որ ամեն ինչ լավ է ընթանում»,- Մխիթարյանի խոսքը մեջբերում է «Մանչեսթեր Յունայթեդի» մամուլի ծառայությունը:
«Մանչեսթեր Յունայթեդ» - «Լեսթեր Սիթի» հանդիպումը օգոստոսի 26-ին է եւ կմեկնարկի Երեւանի ժամանակով 20:30-ին:
Երթևեկության կազմակերպման փոփոխություն՝ Վարդանանց փողոցում
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Z համաշխարհային պատերազմը վերադառնում է
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Լույսն ամենաթանկ նվերն է, որ կարող ես տալ մարդուն
Շարունակում ենք ստուգայցերը ՊՆ զորամասեր (տեսանյութ)
ՀՀ անկախության տոնին նվիրված համերգը՝ Հանրապետության հրապարակում (տեսանյութ)
ԱՄՆ-ը աշխատում է Բելառուսից կալիումական պարարտանյութերի ձեռքբերման խոշոր գործարքի ուղղությամբ
Սպիտակ տունը գործարկել է Trump TV-ն