Սենթ Լուիս. 6 տուրից հետո Լեւոն Արոնյանը բաժանում է 2-5-րդ տեղերը

Սենթ Լուիսում ընթացող արագ շախմատի մրցաշարի 6 տուրից հետո հայկական շախմատի առաջատար Լեւոն Արոնյանը վիետնամցի Լե Կուանգ Լիեմի, ամերիկացիներ Ֆաբիանո Կարուանայի եւ Հիկարու Նակամուրայի հետ բաժանում է 2-5-րդ տեղերը՝ 7-ական միավոր:

Միանձնյա առաջատարը ռուսաստանցի Յան Նեպոմնյաշչին է՝ 8 միավոր: Երկրորդ օրը Լեւոն Արոնյանը ոչ ոքի խաղաց Գարի Կասպարովի հետ, պարտվեց Լե Կուանգ Լիեմին եւ հաղթանակ տարավ Ֆաբիանո Կարուանայի նկատմամբ:

Արագ շախմատի մրցաշարի վերջին երեք տուրերը տեղի կունենան օգոստոսի 16-ին:

 NEWS.am Sport