Լեւոն Արոնյանն առաջատարների թվում

Սենթ Լուիսում մեկնարկած շախմատի արագ խաղի մրցաշարում երեք տուրից հետո հայկական շախմատի առաջատար Լեւոն Արոնյանը բաժանում է 1-4-րդ տեղերը: Նա առաջին տուրում սպիտակներով հաղթեց Չեխիայի ներկայացուցիչ Դավիդ Նավարային, երկրորդ տուրում սպիտակներով պարտվեց ռուսաստանցի Յան Նեպոմնյաշչուն, իսկ երրորդ տուրում սեւերով առավելության հասավ աշխարհի նախկին չեմպիոն, հնդիկ Վիշվանաթան Անանդի նկատմամբ եւ վաստակել է 4 միավոր (հաղթանակ՝ 2 միավոր, ոչ ոքի՝ 1 միավոր): 4-ական միավոր ունեն նաեւ վիետնամցի Լե Կուանգ Լիեմը, ամերիկացի Ֆաբիանո Կարուանան եւ Յան Նեպոմնյաշչին:

Տեւական դադարից հետո դարձյալ մրցաշարի մասնակցող աշխարհի 13-րդ չեմպիոն Գարի Կասպարովը 3 միավորով բաժանում է 5-8-րդ տեղերը:

Օգոստոսի 15-ին կանցկացվի եւս երեք տուր: Grand Chess Tour շարքի այս մրցաշարը կավարտվի օգոստոսի 16-ին: Դրանից հետո կմեկնարկի կայծակնային խաղի մրցաշարը:

Այս թեմայով Արոնյանը հաղթեց Մամեդյարովին Արոնյանի խոսուն ոչ-ոքին Արոնյանը որոշեց օգնել Կարուանային եւ Կարյակինին Արոնյանը ոչ ոքի խաղաց Մամեդյարովի հետ Gibraltar Masters Open. Լեւոն Արոնյանը հաղթեց 28 քայլում