Զիդան. Ռոնալդուի հեռացումն ինձ զայրացրեց
Մադրիդի «Ռեալի» ֆրանսիացի գլխավոր մարզիչ Զինեդին Զիդանը մեկնաբանել է 3:1 հաշվով հաղթանակը «Բարսելոնայի» նկատմամբ Իսպանիայի Սուպերգավաթի առաջին խաղում:
Հիշեցնենք, որ Արքայական թիմի կազմում աչքի են ընկել Կրիշտիանու Ռոնալդուն եւ Մարկո Ասենսիոն: «Բարսելոնայի» պաշտպան Ժերար Պիկեն էլ գրավել է սեփական դարպասը: Ռոնալդուն հեռացվել է սիմուլյացիայի համար ստացված երկրորդ դեղին քարտի համար:
«Մենք գոհ ենք արդյունքից, բայց պայքարը դեռ չի ավարտվել: Այժմ կարելի է վայելել արդյունքը, բայց արդեն մեկ օրից սկսելու ենք պատրաստվել պատասխան հանդիպմանը:
Չեմ ցանկանում կենտրոնանալ մրցավարի գործողությունների վրա, քանի որ հրաշալի խաղ անցկացրինք: Ռոնալդուի հեռացումն ինձ զայրացրեց: Հնարավոր է, որ այնտեղ չկար 11 մետրանոց, բայց ծիծաղելի է քարտ ցույց տալը: Մենք կփորձենք բողոքարկել այդ որոշումը եւ Ռոնալդուին հայտավորել պատասխան խաղին: Մենք չունենք առաջին եւ երկրորդ կազմ: Բոլորս միասնական ենք: Շատ կարեւոր է, որ խաղացողները խաղում են իրար համար: Ինձ համար շատ հաճելի է ֆուտբոլիստների այդպիսի մոտեցումը գործին:
Ասենսիոն ֆենոմենալ խաղ ցուցադրեց: Նա շատ արագ է եւ հստակ հարված ունի: Իսկոն ու Կովաչիչը եւս հրաշալի խաղացին: Բոլորից էլ գոհ եմ»,- Զիդանի խոսքը մեջբերում է AS-ը:
Պատասխան հանդիպումը տեղի կունենա օգոստոսի 16-ին:
NEWS.am Sport
Երթևեկության կազմակերպման փոփոխություն՝ Վարդանանց փողոցում
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Z համաշխարհային պատերազմը վերադառնում է
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Լույսն ամենաթանկ նվերն է, որ կարող ես տալ մարդուն
Շարունակում ենք ստուգայցերը ՊՆ զորամասեր (տեսանյութ)
ՀՀ անկախության տոնին նվիրված համերգը՝ Հանրապետության հրապարակում (տեսանյութ)
ԱՄՆ-ը աշխատում է Բելառուսից կալիումական պարարտանյութերի ձեռքբերման խոշոր գործարքի ուղղությամբ
Սպիտակ տունը գործարկել է Trump TV-ն