Իմ քայլը ռազմական դրությունն օգտագործում է իրենց խղճուկ գոյությունը երկարաձգելու համար
520 կիլոմետր սահմանի պաշտպանության կազմակերպման, հերթափոխի կազմակերպման եւ այլ հարցերի լուծման անհրաժեշտություն կա, որոնց համար անհրաժեշտ է պահպանել ռազմական դրության ռեժիմը: Այս մասին նոյեմբերի 26-ին Ազգային ժողովի արտահերթ նիստին «Ռազմական դրության չեղարկման մասին» օրինագծի քննարկման ժամանակ ասաց իշխող «Իմ քայլը» դաշինքի պատգամավոր Արեն Մկրտչյանը:
Պատգամավորի խոսքով` արդեն օրինագծերի փաթեթ է մշակվել եւ ներկայացվել կառավարության քննարկմանը: «Նշված հարցերը դրանց ընդունումից հետո կարող են լուծվել առանց ռազմական դրության ռեժիմի»,- ասաց Մկրտչյանը:
Իր հերթին, ՀՀ առողջապահության նախարարության ղեկավարի առաջին տեղակալ Անահիտ Ավանեսյանը, ներկայացնելով կառավարության դիրքորոշումը, նշեց, որ ռազմական դրության պայմաններում միջոցառումների մի ամբողջ համալիր է իրականացվում, որոնք վերաբերում են ոչ միայն բանակին, այլ նաեւ տնտեսությանը, առողջապահությանը եւ տեղական ինքնակառավարմանը:
Նրա խոսքով` ռազմական դրության ռեժիմը պետք է առայժմ ուժի մեջ մնա, իսկ դրա կետերը պետք է փուլ առ փուլ չեղարկվեն:
«Վերջին երկու ամսվա ընթացքում Հայաստանը բարձր մակարդակի բժշկական եւ նյութական աջակցություն է ապահովել վիրավոր զինծառայողների եւ խաղաղ բնակիչների համար, այդ թվում` երկրի քաղաքացիների եւ Սփյուռքի ներկայացուցիչների նվիրատվությունների շնորհիվ: Ռազմական դրության մասին որոշումը հնարավորություն տվեց ապահովել այդ ամբողջ աջակցությունը` ազատելով այն հարկային եւ մաքսային պարտավորություններից»,- ասաց Ավանեսյանը:
Բացի այդ, պայմաններ ստեղծվեցին այս օգնության առավել արդյունավետ եւ արագ բաշխման համար: Այդ կարգավորումները ներկայիս ծավալներով, ըստ Ավանեսյանի, կարող են գործել միայն ռազմական դրության շրջանակներում:
Ընդ որում, կառավարությունն օրենսդրական փոփոխությունների փաթեթ է նախաձեռնել եւ քննարկում, որը պետք է օգնության անխափան տրամադրում ապահովի նույնիսկ ռազմական դրության չեղարկումից հետո:
Միեւնույն ժամանակ, նրա խոսքով, իշխանությունները պատրաստ են քննարկել ռազմական դրության փուլային չեղարկման հարցը ողջամիտ հետաձգման տրամադրման դեպքում:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է