Թուրքիան հատել է «կարմիր գիծը». Amnesty International-ը մարդու իրավունքների 6 պաշտպանի կալանավորման մասին

Amnesty International միջազգային իրավապաշտպան կազմակերպություն, խոսելով նախօրեին Թուրքիայում մարդու իրավունքների 6 պաշտպանի կալանավորման մասին, հայտարարել է, որ Թուրքիան այլևս «հատել է կարմիր գիծը» և երկրի իշխանությունները հարգանք չեն ցուցաբերում միջազգային հանրության հանդեպ:

Հիշեցնենք, որ նախօրեին Ստամբուլի կղզիներում օրեր առաջ ձերբակալված մարդու իրավունքների 10 պաշտպաններից 6-ին կալանավորել են: Կալանավորվածների թվում է նաև Amnesty International միջազգային իրավապաշտպան կազմակերպության Թուրքիայի գրասենյակի տնօրեն Իդիլ Էսերը:

Միջազգային կազմակերպությունը, դատապարտելով Թուրքիայի իշխանություններին, նշել է, որ Թուրքիայի ավտորիտարացման մասին գիտեն բոլորը, սակայն ոչ ոք հստակ քայելր չի ձեռնարկում դրա դեմ, քանի որ Թուրքիայի հետ հարաբերությունները շահեկան են շատերին Սիրիայում հակաահաբեկչական պայքարի, Եվրամիության հետ միգրացիոն համաձայնագրի և այլ խնդիրների պատճառով:

tert.am