Երեւանում մեկնարկում է Եվրասիական միջկառավարական խորհրդի նիստը
Կարեն Դեմիրճյանի անվան մարզահամերգային համալիրի շենքում տեղի է ունենում Եվրասիական տնտեսական միության (ԵԱՏՄ) անդամ երկրների կառավարությունների ղեկավարների հանդիպումը:
Այս պահին ԵԱՏՄ անդամ պետությունների պատվիրակությունների ղեկավարներին ընդունում է ՀՀ վարչապետ Նիկոլ Փաշինյանը: Այնուհետ լինելու է համատեղ լուսանկար:
Դրանից հետո նախատեսված է նեղ կազմով փակ նիստ, որին հաջորդելու է ընդլայնված կազմով բաց նիստը:
Նիստի ավարտից հետո լինելու է հայտարարություն մամուլի համար:
Հիշեցնենք, որ Ղրղըզստանի կառավարության ներկայացուցիչները չեն մասնակցում այսօրվա նիստին:
«Հանրապետության ներսում առաջացած հասարակական-քաղաքական իրավիճակի պատճառով մեր ներկայացուցիչները չեն կարողանա մասնակցել ԵԱՏՄ միջկառավարական խորհրդի նիստին Երևանում»,- ավելի վաղ հայտնել էր երկրի կառավարության մամուլի ծառայության ներկայացուցիչը:
Նշենք նաև, որ ավելի վաղ Ռուսաստանի կառավարության տարածած մամուլի հաղորդագրությունից հայտնի էր դարձել, որ հանդիպմանը ԵԱՏՄ կառավարությունների ղեկավարները քննարկելու են Եվրասիական տնտեսական միության գործունեության արդիական հարցերը, այդ թվում և մինչև 2025 թվականը եվրասիական տնտեսական ինտեգրման զարգացման ռազմավարական ուղղությունների նախագիծը, միջսահմանային էլեկտրոնային առևտրի կարգավորումը, ինչպես նաև միության ակտերի իրականացման ընթացքը:
«Հատուկ ուշադրություն կհատկացվի միության անդամ երկրներում սանիտարահամաճարակային իրավիճակին և կորոնավիրուսի տարածման կանխարգելման համալիր ծրագրի իրագործմանը»,- ասվում է հաղորդագրության մեջ:
ՆԳՆ ոստիկանությունը հորդորում է զերծ մնալ երեխաների հուզական վիճակը խաթարող տեսանյութեր հրապարակելու...
«Հանրամեդիա»․ Լրագրողների մի մասն ունի անպատժելիության կեղծ զգացողություն (տեսանյութ)
Իրանում մի քանի քաղաքական գործիչների են ձերբակալել՝ հունվարին բողոքի ակցիաների մասնակիցներին սատարել...
Երեւանում դպրոցներից մեկի ֆիզկուլտուրայի դահլիճում 11-ամյա երեխաները հրել և վայր են գցել համադասարան...
ԱՄՆ փոխնախագահը փետրվարի 9-10-ը պաշտոնական այցով կլինի Հայաստանում
Մենք ունենք հարաբերությունների նույն մակարդակը, ինչ նախորդ տարիներին, ինչը ցավալի է
Տեղի է ունեցել ՀՀ վարչապետի և ԱՄՆ փոխնախագահի ընդլայնված կազմով հանդիպումը (տեսանյութ)
Լիբանանի Տրիպոլի քաղաքում շենքերի փլուզման հետևանքով զոհերի թիվը հասել է 14-ի
Անցած տարվա ընթացքում Հեռուստատեսության և ռադիոյի հանձնաժողովը հարուցել է 84 վարչական վարույթ
Մեր հայրենակիցների սոցիալական աջակցության ծրագրերը շարունակվում և ընդլայնվում են