Ադրբեջանը կխզի կապերը Yandex-ի և Uber-ի հետ՝ Yandex-ի տնօրենի հայ լինելու պատճառով

Ադրբեջանը կխզի կապերը Yandex և Uber ընկերությունների հետ, ինչի պատճառը Yandex-ի տնօրենի հայ լինելն է: Այս մասին haqqin.az-ին հայտնել է Բաքվի տրանսպորտային գործակալության մամուլի քարտուղար Մայիս Ագաևը: 

«Ադրբեջանի բոլոր քաղաքացիների համար առաջնահերթություն պետք է լինեն երկրի քաղաքական շահերը: Ահա թե ինչու, եթե Yandex.Taxi-ն և Uber-ը գլխավորի Հայաստանի քաղաքացին կամ հայկական ծագումով որևէ մեկը, այդ ընկերությունը կդադարի «տարբերանշաններ» տրամադրել վարորդներին, որոնք ավելի վաղ հնարավորություն են տվել աշխատել այդ ընկերությունների հետ և կոչ կանի չհամագործակցել նոր ընկերության հետ», - պարզաբանել է Ագաևը:

Ինչպես ավելի վաղ հայտնել է «Yandex. Taxi» ընկերության գլխավոր տնօրեն Տիգրան Հուդավերդյանը՝ Yandex-ը և Uber-ը կմիավորեն իրենց ծառայությունները:

«Մենք՝ Yandex.Taxi-ն և Uber-ը, որոշել ենք միավորել մեր ծառայությունները և բիզնեսը Ռուսաստանում, ինչպես նաև՝ Հայաստանում, Ադրբեջանում, Բելառուսում, Վրաստանում և Ղազախստանում: Միասին մենք անհատական հասարակական տրանսպորտ կկառուցենք», - ասել է Տիգրան Հուդավերդյանը, որը կգլխավորի նոր միավորված ընկերությունը:

tert.am